شرح جميع انظمة الدراسه في الجامعات والمعاهد العراقية
اهلاً بكم في موقع ومدونة احمد الداوودي في قسم جامعات ومعاهد عراقية ..
كل الانظمة الدراسية الجامعيه في العراق للعام الدراسي الحالي
- السنوي
- الكورسات
- الموديول
اولاً : النظام السنوي او الفصلي
🔹هذا النظام سهل و مابيه تعقيد على الطالب من ناحية الأمتحانات و يكون كالآتي :
1- امتحان فصل اول ١٠٪
2- امتحان نصف السنة ٢٠٪
3- امتحان فصل ثاني ١٠٪
4- تقييم الأستاذ للطالب ١٠٪
--------------------------
صار السعي ٥٠٪
5- فاينل ٥٠٪
- اكو بعض الجامعات ماعدهم تقييم الأستاذ للطالب و يكون السعي ٤٠٪ و الفاينل ٦٠٪
و اكو جامعات يكون تقسيم الدرجة :
🔸فصل اول ١٢.٥٪
🔸نصف السنة ٢٥٪
🔸فصل ثاني ١٢.٥٪
🔸فاينل ٥٠٪
ثانياً : نظام الكورسات
🔷 هذا شويه يحتاج جديه من الطالب لأن مو مثل سهولة النظام السنوي.
🔷 بهذا النظام عندك كورسين بالمرحلة الوحدة الكورس الأول تدرس مواد ما تشبه مواد الكورس الثاني او نفس المواد بس مواضيع تختلف عن مواضيع الكورس الأول و كل كورس بيه امتحان نهائي.
فتمتحن كل كورس امتحانين و كالآتي :
🔴 الكورس الأول
1- اول امتحان: نصف الكورس ٣٠٪ او ٤٠٪
2- ثاني امتحان: نهاية الكورس ٧٠٪ او ٦٠٪
🔴 الكورس الثاني
1- اول امتحان: نصف الكورس ٣٠٪ او ٤٠٪
2- ثاني امتحان: نهاية الكورس ٧٠٪ او ٦٠٪
♦️ شي مهم لازم تعرفه ، اذا رسبت بمادة بالكورس الأول تمتحنها بالدور الثاني ، لأن ممكن الكورس الثاني تكون غير مواد او نفس المواد بس غير مواضيع مثل ما كلنا
كذلك اذا لا سمح الله ترسب بالكورس الثاني ايضا دور ثاني بالمادة الي ترسب بيها
ثالثاً : نظام الموديول
✅ فهذا اكثر نظام يحتاج تركيز مكثف و متابعة مستمرة و يُتبع فقط في الكليات الطبية الآتية ( بغداد ، الكندي ، الكوفة ، واسط ، حمورابي ) .
هذا النظام يكون كالآتي :
- كل مرحلة متكونة من عدة سمسترات ، ممكن ٢ او ٣
- السمستر الواحد يعتبر سنة دراسية داخل المرحلة الوحدة الها موادها و تقسيم درجاتها و كل سمستر يتكون من عدة موديولز
- الموديول هو مجموعة مواد مختلفة
✅ هسه صار عدنا سمستر هو مجموعة موديولز و الموديول الواحد هو مجموعة مواد
🔺 الموديول الواحد مجموعة مواد تمتحنها امتحان واحد بيوم واحد و درجة وحدة و الفكرة انه تدرس جميع هذه المواد و تضبطها و تمتحنها بنفس اليوم و بنفس الأمتحان
🔺 ممكن يكون السمستر الواحد بيه ٣ او ٤ موديولز او اقل من هيج
🔴 الدرجة تكون :
🔷 السعي ٢٠٪ و يتضمن
الحضور
النشاط
الكوزات
سمنرات
تتوريلات
نهاية الموديول
🔷 نهاية السمستر ٨٠٪
🟥 بنهاية المرحلة السادسة تمتحن امتحان شامل بكل مواد المرحلة الرابعة و الخامسة للسادسة
- يختلف تقسيم الدرجات حسب الكليات
وهذا جان نبذة عامة عن النظام باقي التفاصيل تختلف من جامعة لأخرى
اختر ما تريد بالضغط على الايقونات ادناه لمواقع التواصل الخاصة بنا
