تحديد نهائي لبدء التقديم من وزارة التربيه للدراسات الخارجيه الثانويه والابتدائيه للسنة الدراسيه 2021/2020 مع اخر التوجيهات والضوابط الصادره من الوزاره
 |
تعلن التربيه اليوم موعد التقديم على الامتحانات الخارجيه للدراسه الابتدائيه والثانويه مع الضوابط الجديده للتقديم 2021
اعلنت وزارة التربيه اليوم عن بدء التقديم للامتحانات الخارجية بتاريخ 2020/12/29 ويجب ان يكون عمر الطالب 18سنة .
واكدت الوزارة على ان المستمسكات الاساسيه المطلوبة هي :-
(الجنسية- نسخة اصلية ونسخة استنساخ)
(شهادة جنسية- نسخة اصلية ونسخة استنساخ)
(صور عدد 8 ذات خلفية بيضاء بقياس 3.5 & 4.5).
طبعا هذا الموعد الثاني الي طلقتة التربيه حيث اعلنت في قبل شهرين عن بدء التقديم للدراسه الخارجي ليوم 11/1 وينسد على اساس يوم 12/20 ومن راجعوا الطلاب ردت التربيه الطلبه على عدم وصول اي توجيهات من الوزارة بخصوص التقديم , واليوم اكدت وزارة التربيه على الموعد النهائي يبدأ يوم 12/29 يعني نهاية هذا الشهر ومحددت يمتى ينسد , على الطلبه الي امحضرين روحهم للتقديم على الدراسات الخارجي للابتدائي والثانوي ان يحضر نفسه والتعليمات بالتفصيل موضحه ادناه . اما المهمات كلتهن الك اعلاه .
بالتفصيل الشروط والضوابط للتقديم ادناه ومثل ما كلنه التقديم حيكون
يوم الثلاثاء الموافق ٢٩ /٢٠٢٠/١٢
ماهو الامتحان الخارجي .. ؟
راح انشوف سوا معلومات مهمة جدا وجواب لكثير من الأسئلة حول الامتحان الخارجي شنو الخارجي ؟ وشلون أقدم خارجي ؟ وشوكت ؟ وهل شهادته نفس الصباحي ؟ وغيرها
الخارجي / هو أن تكعد وتسكت بالبيت بدون ما تداوم ..فقط تروح تمتحن امتحان تمهيدي بشهر الثاني هنه 7 مواد انته مخير تمتحن 5 او 6 او 7 .. تمتحن اذا نجحت ب 4 راح تدخل وزاري اذا دخلت وزاري تروح بوقت الامتحانات وي طلاب الصباحي بشهر 6 أو 7 تمتحن وزاري وهم يحقلك دور 1 و 2 و 3 اذا انطوه
قبل المعروف يجب ان تترك سنتان حته تقدم وشرط عمرك جبير .. أما الان أجه قرار جديد .. هو :
{ من رسب في صفه سنتان متتاليتان في المدارس الصباحية وسنه او سنتنان في المدارس المسائية يحول يقدم ع الدراسه الخارجيه }
انتبه .. بس العام اجه قرار كال الراسب سنتين بالصباحي مخير في الذهاب للمدارس المسائية أو التقديم ع الخارجي مخير .. بس هالسنه هم مخير ؟ نحن بأنتظار التعليمات هالسنه ان يكون مواليد لحد 2001....الخ يحقلك تقد
انتبه .. من تقدم خارجي شرط مامسجل مسائي هالسنه يعني مو مسجل حضرتك بالمسائي ومداوم واجه بمزاجك تقدم خارجي لا شرط مامسجل .
نجي بالسره شلون اقدم ومين ابدي
اول شي هو :-
المستمسكات
أذا جنت طالب سادس تاخذ1/ 10 صور حجم 3.5 × 4.5 يعني صور جواز خلفيه بيضاء ..
2/ وجنسيتك وشهادة جنسيتك اصليات واستنساخ
3/ تأييد سكن
تروح لمديرية التربية الي بمحافضتك قبل لا تدخل بالباب تاخذ فايل وبيه استمارة تقديم ع خارجي (عريضه) بألفين دينار وتدخل تسلم وتكولهم يابه اريد اقدم ع خارجي هسه يكلك جيب الفايل أنطيهياه بعدها يوقع وينطيك ورقتين
1- اول وحده تجيب بيها وثيقة الثالث متوسط من متوسطتك الجنت بيها .. اذا جنت نازح بغير محافظه يطلعوها عن طريق الحاسبه بدون ما تروح..بالممثلية
2- الورقة الثانيه تجيب بيها #واقع_حال اخر صف جنت بيه وشنو جان فرعك .. أذا جنت ادبي فمجبر تسجل ادبي اذا جان علمي مجبر تسجل علمي وتختار تطبيقي او احيائي
تجيبهن وتجي تنطيهمياه وتدفع 50 الف وينطوك وصل يكلولك روح تعال قبل شهر 2 ب 15 يوم شوف مكان امتحانك التمهيدي وبس واكعد ابيتك وأدرس
فقرة الاجابه على اهم واكثر الاسئله المطروحه بخصوص الدراسه الخارجيه 2021
سؤال 1/ شهادة الخارجي تفرق عن شهادة الصباحي ؟
الجواب / خارجي صباحي مسائي كولهه شهادة وحده ومتفرق أبد ولا حته بالقبولات ادرس خارجي وطلع 98 تدخل طب ومحد يكولك منين أجيت . الفرق بس بالاعمار .
سؤال 2/ أكدر أغير فرعي ؟
الجواب / نعم .. اذا جنت ادبي ورسبت تكدر تحول علمي وبالعكس
سؤال 3/ اذا قدمت خارجي ورسبت يحقلي اقدم مره ثانيه ؟
الجواب / يحقلك تقدم 5 مرات ع خارجي حته لو ترسب
سؤال 4/ أني راسب او تارك بصف رابع او خامس او سادس قبل 50 سنه او قبل سنتين يحقلي أقدم هسه ع خارجي ؟
الجواب / نعم يحقلك
سؤال 5/ أني خريج كلية كذا او معهد .اكدر اقدم تغيير فرع ؟
واذا قدمت تنلغي شهادة الكلية ؟
الجواب / نعم يحقلك
نعم بمجرد ان تقدم راح تعتبر كأنه طالب سادس جديد . وشهادتك مال الكلية او المعهد تنحذف
سؤال6/ اني اول سنه اللي بالصباحي اكدر اقدم خارجي ؟
اني ثاني سنه الي بالصباحي اكدر اقدم ؟
الجواب / - لا .. شرط ان تكون راسب سنتين بالسادس
أو ناجح من الثالث متوسط صارلك 3 سنوات وبالسنه الرابعه تقدم ..
سؤال7 / اني مثلا داومت اعدادية او متوسطه ابغداد . وهسه اني بكربلا افتراضا اريد امتحن بكربلا شسوي ؟
الجواب / يجيب وثيقته من المدرسه ويصدقها من مديرية تربية المحافضه الي جان يداوم بيها .يجيبها لمديرية تربية المحافضه الي راح يدرس بيها خارجي
============
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية لاحمد الداوودي تابعنا باي مكان تريد حيث المصداقية والحقيقة في النشر اولا بأول وهذه هي المواقع الرسمية اختر ما تريد
******************
تحياتي لكم اخوتي الموقع بأدارة
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
للدعم المادي على الرقم الخاص بالموقع لتحويل الرصد والدعم على الرقم ادناه
07500824814
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
كروب ودردشه فعال 24 ساعه تخص التبادل بالمواد الدراسيه وفيد واستفاد بعض التغيير للجو للدردشه مع الاصدقاء ومن خلال هذا الكروب تكدر تسألني اي سؤال اغلب الاحيان متواجد بالكروب تحياتي رابط للاشتراك ادناه :
07500824814
طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد
واذا كان عندك حساب وتريد تدعمنا هذا رابط الدعم على البايبال أضغط هنا
🔸▬▬▬▬▬🔸
التعريف بالموقع :
هذا الموقع تابع لمدونة اتعلم ويانه بشكل رسمي وكل ما ينشر في الموقع يخضع للمراقبة وموقع اتعلم ويانه غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع اتعلم ويانه لهند القيسي اي
مسؤولية قانونية حيال ذلك